Pas hedhjes së shortit të grupeve për EURO 2024, komentet nuk reshtin të vijnë nga anë të ndryshme. Për shembull, zëvendës presidenti i Federatës Serbe të Futbollit, Branislav Nedimoviç, siç raporton Telegraf.rs, ka thënë se dëshira e tij e madhe ishte që Serbia të luante në grup me Kroacinë dhe Shqipërinë, por kjo nuk u realizua.
“Sinqerisht, doja që Serbia të përfundonte në Grupin B, ku bëjnë pjesë Spanja, Shqipëria dhe Kroacia. Të shtunën në mëngjes u thashë përfaqësuesve të Kroacisë dhe Shqipërisë se doja të na vinin vetëm ata, por kaq. Dëshira nuk u plotësua”, tha Nedimovic. /Elio Hajdari-Sport Ekspres/