Lajmi qarkullonte prej kohësh, por tashmë është zyrtare: Shqipëria do të përballet me Norvegjinë në një miqësore që do të luhet më 14 nëntor, në Elbasan Arena.
Data është e lirë për shkak të ndeshjeve play-off për Kupën e Botës, ndërsa Shqipëria ka zgjedhur vendin nordik për të luajtur një miqësore, që mund të ishin edhe dy, por nuk është gjetur rival niveli.
Me Norvegjinë u ndeshëm edhe për kualifikueset e Botërorit 2014, duke i marrë 4 pikë, ndërsa fituam në Norvegji me një gol spektakolar nga Salihi.
Norvegjia, ashtu si ne, nuk ia doli mbanë të shkonte të paktën në play-off, ndaj do të nisë procesin e rindërtimit.