Feronikeli sqaroi dje rrëmujën me Artur Maganin, duke firmosur zyrtarisht me sulmuesin, i cili para pak ditësh ishte prezantuar, por më pas kishte dalë në stërvitje me Partizanin.
Tashmë ish-sulmuesi i Lirisë është 100% i Feronikelit, por klubi nga Drenasi nuk ndalet këtu, sepse sot ka zyrtarizuar marrëveshjen edhe me Alush Gavazajn.
Edhe mesfushori ishte pjesë e Lirisë sezonin e fundit, ndërsa më parë ka luajtur në Shqipëri, mes Tiranës, Bylisit, Tërbunit e Korabit. Me dy të fundit Gavazaj ishte titullar fiks dhe tashmë përforcon Feronikelin, që pak nga pak po ndërton një ekip pretendent për titull.