Fillimisht derbi dhe tashmë klasikja, Tirana bind në këtë fazë përgatitore. Pas fitores në miqësoren me Dinamon, bardheblutë kanë arritur një tjetër sukses përballë një emri të madh të futbollit shqiptar. Klubi kryeqytetas ka mposhtur Vllazninë në testin e sotëm miqësor të luajtur në “Selman Stërmasi“.
Goli i vetëm i këtij takimi u shënua në minutën e 20 dhe mban firmën e afrimit të ri të Tiranës, Redon Xhixhës. Skuadra bardheblu jep sinjale të mira në fazën përgatitore për nisjen e sezonit të ri, duke kënaqur trajnerin Orges Shehi me rezultatet e arritura në fushën e lojës./Halit Delibashi-Sport Ekspres/