Erling Haland duket se është në rrugën e duhur për të marë vendin e Kristiano Ronaldos, i cili është edhe idhulli i tij. Përveç adhurimit që ka për 5 herë fituesin e Topit të Artë, norvegjezi ka “kopjuar” edhe dietën ushqimore të tij, së bashku me mënyrën e jetesës.
Erling Haaland nuk shkon asnjëherë në klube nate(këtu përfshijmë periudhën para pandemisë) dhe ka shmangur totalisht përdorimin e pijeve alkoolike, të cilat janë të mbingopura me sheqer. Për të mbajtur trupin në formë, Haaland ndjek dietën e yllit të Portugalisë, e cila është e përbërë kryesisht nga baza e peshkut.
Mënyrë e jetesës aktive dhe dieta e shëndetshme e kanë ndihmuar Ronaldon të jetë një nga lojtarët më të mirë në histori edhe pas kalimit të moshës 30 vjeç. Nga ana tjetër, duke parë arritjet e Erling Haaland në moshën 20 vjeçare, mund të themi se ja ka vlejtur. /Elio Hajdari-Sport Ekspres/