Konflikti mes Lerdës dhe Mehmetit në ndeshjen e fundit ndaj Kukësit me sa duket ka sjellë edhe largimin e zëvendës trajnerit të Partizanit. Pas asaj që ndodhi Lerda kishte dhënë një ultimatum të prerë te drejtuesit e të kuqve, ku kërkonte të bëhëj një zgjedhje përfundimtare: “Ose unë, ose Mehmeti”.
Por me sa duket, klubi ka vendosur t’i besojë ende italianit dhe të ndërpresë kështu marrëdhënien me 39-vjeçarin. Fakti që Mehmeti nuk ishte i pranishëm në seancën stërvitore të ditës së sotme flet qartë dhe tregon në këtë mënyrë edhe përgjigjen që drejtuesit ePartizanit i kanë dhënë ultimatumit të Lerdës./Sport Ekspres/