Oferta më e madhe që ka ardhur për të blerë kartonin e Ali Soue, në karrierën e këtij të fundit, ishte ajo nga Al Ahli. Skuadra egjiptiane nuk u kursye aspak kur shtroi në tryezë plot 4 milionë euro për të marrë shërbimet e futbollistit të Cska Sofias.
Më herët Soue ka qenë pjesë e Skënderbeut, ndërsa korçarët janë penduar që nuk i blen kartonin te Kievo. Ambientimi me skuadrën bullgare është në përsosmëri dhe Soue konsiderohet një prej lojtarëve më të rëndësishëm.
Pikërisht për këtë arsye ka arritur që të refuzojë ofertën e Al Ahli. “Jam shumë i lumtur te Cska dhe ndihem si në shtëpinë time. Po e vërtet që kam pasur një ofertë nga Al Ahli, por e kam refuzuar”, ka thënë Soue për t’i mbyllur derën një lëvizje të mundshme. /Sport Ekspres/