Ekuban bëri një hap të madh në karrierë duke u transferua në Seria A te Genoa. Flasim për një nga sulmuesit më të mirë të huaj që ka mbërritur në Superiore, atje ku veshi fanellën e Partizanit. Por kjo aventurë e re nuk po shkon aspak mirë për këtë lojtar.
Genoa ndodhet në vendin e parafundit të renditjes dhe po vazhdon me humbjet radhazi, pavarësisht afrimit të Shevcenko në pankinë. Trajneri është shprehur se nëse arrin të shpëtojë Genoan, do të jetë njësoj si të ketë fituar Champions League.
Me afrimin e tij, Ekuban ka pasur besim të madh pasi është aktivizuar gjithmonë në fushën e lojës. Përgjigja deri tani ka qen 0 gola të shënuara në 5 ndeshje, ndërsa në mbrëmjen e djeshme ndaj Sampdorias ishte më i dobëti në fushë. Në vlerësimet e marra nga mediat italiane, Ekuban ka marrë notën më të ulët dhe shkruhet: “Nuk arrin dot që të kontrollojë një top, për të mos diskutuar rrezikshmërinë para porte”. /Sport Ekspres/