Nuk ka rëndësi nëse bëhet fjalë për kohën e pandemisë dhe nëse stadiumi është i kyçur për shkakun e rregullave të vendosura për Koronavirusin. Tifozët e Partizanit nuk e braktisin kurrë ekipin e tyre dhe këtë e kanë treguar edhe në transfertën e sotme ndaj Apolonisë.
Kamera ka kapur një moment teksa një grup i tifozëve të kuq shihet në një godinë nga ku mund të shohin ndeshjen e ekipit të tyre të zemrës. Por fatkeqësisht për ta, Partizani barazoi në shifrat 1-1 ndaj Apolonisë dhe i la më shumë hapësirë Vllaznisë për t’u shkëputur disi në vendin e parë. /Sport Ekspres/