“Nuk i shkon Vllaznisë, 7 minuta u zhvilluan nga 20 të fundit”! Daja: Mbaruan topat në Shkodër, kush i ka mbajtur për 45 minuta në gjysmëfushën e tyre si ne?

Ndeshja më e rëndësishme e javës ishte ajo mes Vllaznisë dhe Partizanit. Shkodranët kanë fituar me shifrat 1-0 falë golit të Latifit. Ekipi i Brdaric e dominoi Partizanin edhe në lojë, ndërsa pas gjuajtjes së fortë të Gurishtës, Latifi dërgoi topin në rrjetë. Në minutën e fundit të pjesës së parë Vllaznia i shkoi fare pranë golit të dytë. Ishte sërish Gurishta që me një goditje të fortë hasi reagimin e Teqja, ndërsa më pas topi shkoi në shtyllë. Në të 65 Krymi doli me karton të kuq pasi i hoqi mundësinë e golit të barazimit Carës si lojtar i fundit. Pas kësaj fitore Vllaznia ka rikthyer gjendjen kritike te Partizani. Të kuqtë janë 12 pikë larg Tiranës kryesuese dhe kalendari është malore e vërtetë pasi kryeqytetasit do të përballen me Dinamon, Kukësin dhe Tiranën.

Skënderbeu ka arritur që të fitojë me shifrat 2-0 ndaj Egnatias. Një pjesë e parë me shumë raste nga të dy ekipet, por në fund fitoi futbolli dhe asnjë prej skuadrave. Kështu pas rrjetave të paprekura, korçarët kaluan në avantazh me nisjen e së dytës. Pas goditjes me kokë të Vitija, Mensah nuk e kishte të vështirë që të shënonte me portën e boshatisur. Në minutat e fundit ishte Elvi Berisha me ekzekutimin perfekt që qetësoi korçarët duke i çuar në kuotën e 11 pikëve, po aq sa Egnatia. Më poshtë gjeni intervistat e trajnerëve për “Supersport”:

Daja: “Pjesa e parë nuk ishte në nivelin e duhur. Kemi filluar shumë mirë në pjesën e dytë, kur e kemi vendosur në presion kundërshtarin. Ndërsa në ato 20 minutat e fundit, nuk i shkon për shtat një ekipi si Vllaznia që në 20 minuta, janë bërë apo jo 7 minuta loje efektive. Nuk kishte më top rreth e qark fushës. Nuk është hera e parë, por e disatë kjo që ndodh me Vllazninë. Kjo ndodhi që pas kartonit të kuq të Krymit dhe nuk kishte më top rreth fushës. Nuk i shkon vërtet Vllaznisë. Vllaznia ngeli me 10 lojtarë për shkak të presionit që po ushtronim ne. E mbajtëm Vllazninë për 45 minuta në gjysmëfushën e saj dhe prandaj mori kartonin e kuq. Më thoni se kush e ka mbajtur Vllazninë për 45 minuta në gjysmëfushën e saj si ne?“.

Brdaric: “Ishte ndeshje shumë e vështirë kjo dhe kam komplimente për ekipin. Pjesa e parë ndaj Partizanit ka qenë një nga 45 minutat më të mira që kur kam ardhur unë këtu. Në pjesën e dytë kemi bërë disa gabime në pasime që e ftonin kundërshtarin për ta na ardhur te porta jonë. Por në total kemi qenë vërtet mirë. Lojtarët që kanë ardhur te ne gjatë verës duhet të kuptojnë se futbolli nuk luhet në mënyrë individuale. Kemi mësuar nga e kaluara dhe duhet të bëjmë një faull afër zonës, madje edhe duke marrë edhe një karton të kuq dhe duke sakrifikuar. Gurishta në sezonin e kaluar kishte mundësinë që ta bënte një faull të tillë dhe nuk e bëri. Tani duhet t’i japin një darkë njëri-tjetrit”.

Memelli: “Nuk e nisëm mirë ndeshjen edhe për shkak se Egnatia kishte ndërruar prapë sistemin e lojës. Në pjesën e dytë i ushtruam presing Engatias dhe arritëm të shënonim. Pas kësaj ishte disi më e lehtë, pasi goli i zhbllokoi. Dua t’i komplimentoj djemtë për mënyrën sesi kemi luajtur në këto ndeshje. Deri në datën 22, jam i bindur se do ta kalojmë edhe një skuadër tjetër në renditje. Po vijmë në rritje me rezultatet. Kur thonë Longo dhe Daja se kanë lojtarë të rinj, atëherë çfarë duhet të them unë që kam 16 lojtarë në moshën 21 vjecare dhe të tjerët janë mbi 25 vjec?”.

Ramadani: “Kemi pasur vetëm dy ditë stërvitje me grupin dhe duhet të jemi të kënaqur me lojtarët. Kemi ndërruar stilin e lojës, mënyrën e lojës dhe kjo ishte e rrezikshme, por duhej bërë. Sigurisht që kjo pikë na mërzit, por duhet të jemi të kënaqur se ndryshuam sistemin e lojës dhe të vish në këtë nivel me dy stërvitje, ka shumë shpresë. Rreziku që erdha te Egnatia? E pëlqej rrezikshmërinë dhe e di se ku futem. Dua ta provoj veten në Superiore dhe kam besim në punën që bëj dhe te drejtuesit. Na duhen disa pikë për të rikthyer besimin te ekipi. Ka shumë kualitet brenda grupit”./Sport Ekspres/

Leave a Reply

Your email address will not be published. Required fields are marked *

where can i buy doxycycline over the counter buy doxycycline online