Kazakistan-Shqipëri përfundoi me shifrat 0-0, teksa ky rezultat nuk ndryshon asgjë në klasifikimin e përgjithshëm të Ligës së Kombeve. Kuqezinjtë numërojnë 4 pikë në 3 ndeshje, po aq sa dhe kundërshtari i tyre. Ndeshja ishte mjaft e dobët nga të dyja skuadrat, ku dukeshin se asnjëra nuk ishte e interesuar për të dalë me 3 pikë. Këtë e ka pranuar edhe mesfushori i Kazakistanit Aibol Abiken, i pyetur në një prononcimin për mediat pas mbarimit të sfidës.
“Nuk ishte loja e askujt. Ne nuk shfrytëzuam momentet tona. Tashmë do të përgatitemi për Bjellorusinë, në 15 tetor. Ndeshja e parë ishte fatkeqësi që e humbëm, por tjetrën do përpiqemi ta fitojmë. Të gjitha skuadrat janë në nivel të njëjtë, secili ekip mund të fitojë!”,- u shpreh mesfushori i kazakëve./Elio Hajdari-Sport Ekspres/