Cristiano Ronaldo është lojtari që ka firmosur kontratën më të madhe në historinë e futbollit. Rreth gjysmë miliardë euro ndau Al Nassr për të sjellë portugezin dhe më pas nisën historitë për ardhjen e Lionel Messit. Dyshohet se Al Hilal me ndihmën e shtetit synonte t’i ofronte magjistarit argjentinas deri në 300 milionë euro në sezon për të veshur fanellën e klubit më të madh në Arabinë Saudite.
Trajneri i Al Hilal, Ramon Diaz gjithashtu shpreson që skuadra e tij mund të marrë një shtysë të madhe për Lionel Messit. “Ardhja e Cristiano Ronaldos në Arabinë Saudite hap derën për ardhjen e të tjerëve. Prezenca e tij na jep shpresë se edhe Lionel Messi do të vijë së shpejti këtu”, tha Ramon Diaz. /Sport Ekspres/