Reali fitoi në përballjen e vështirë ndaj Eibarit me rezultatin 1-3 dhe tashmë ndodhet në vendin e dytë në kampionat me pikë të barabarta me kryesuesen e tabelës, Atletiko Madridin. Edhe pse nuk e nisi mjaft mirë këtë sezon, skuadra e Zidane duket se ka gjetur ritmin e duhur.
Trajneri i spanjollëve është mjaft i lumtur për përmirësimin e ekipit të tij, por ka zgjedhur të vlerësojë në veçanti sulmuesin Karim Benzema, i cili sipas tij po luan në mënyrë të shkëlqyer. “Ai e meriton. Po luan në një mënyrë fenomenale. Se kam fjalën vetëm për golat. Është i domosdoshëm për ne, pasi ndihmon shokët e skuadrës duke u kthyer në prapavijë”- u shpreh Zidane. /Elio Hajdari-Sport Ekspres/