Uesli Shnajderi ka dhënë një intervistë për “La Gazzetta dello Sport“, në të cilën ka folur edhe për Asllanin. Ish-mesfushori i Interit surprizohet nga fakti që lojtari shqiptar e ka idhull, çka e bën të ndjejë vetëm kënaqësi. Më tej Shnajderi flet me fjalë pozitive për 20-vjeçarin, duke e quajtur një goditje për të ardhmen.
“Unë idhulli i Asllanit? Nuk e dija, çfarë kënaqësie! E ndjek nga afër, ai është një lojtar i talentuar. Mendoj se Interi ka bërë një goditje për të ardhmen”, ka thënë Shnajderi./Halit Delibashi-Sport Ekspres/