Një gol që ia vlen të rishihet dhe që shijon po në të njëjtën mënyrë, pavarësisht se kanë kaluar shumë vite. Pak orë përpara përballjes me Anglinë, FSHF sjell në kujtesë realizimin e Sulejman Demollarit kundër “tre luanëve” në ndeshjen e luajtur në 26 prill të vitit 1989.
Ekzekutimi ishte perfekt teksa i kthyer me shpinë nga porta, Demollari do të godiste saktësisht nga distanca në cepin e rrjetës. Por teksa kishte nisur festimin, në mënyrë të pakuptueshme, goli do të anulohej. Arseja ka mbetur edhe sot “enigmë”, ndërsa Demollari vazhdon ta kujtojë si realizimin më të mirë të karrierës, por që ende nuk e kupton dot arsyen e anulimit. /Sport Ekspres/