Dy gola nga distanca dhe dy realizime që ishin identike! Emanuele Ndoj po vazhdon që të tregojë formë të nivelit të lartë me Breshian, pavarësisht dëmtimit që e la jashtë fushës së blertë për një kohë të gjatë.
Mesfushori shqiptar u kthye pas 21 ndeshjeve duke shënuar në ato pak minuta aktivizimi ndaj Frosinones. Për shkak të dëmtimit të gjatë do të mungonte edhe ftesa e Rejës për të në Kombëtare. Por Ndoj do ta sigurojë thirrjen për përballjet e tjera nëse vazhdon në këtë formë.
Dy golat në fitoren 4-1 ndaj Pordenones janë një tregues i qartë i aftësive të këtij lojtari, megjithëse nuk e besonte ende emocionin e bukur. “Fantastike, akoma nuk e besoj se shënova dy gola. Por e përsëris, e gjitha kjo është falë skuadrës. E gjithë arritja është falë këtij grupi dhe ne jemi si një familje. Të gjithë më kanë dhënë forcën për t’u përmirësuar dhe për të ecur përpara”, u shpreh Ndoj. /Sport Ekspres/