Juventusi luan sot fatin e sezonit, teksa përballë Bolonjës fitorja është një detyrim nëse duan të shpresojnë për një vend në Champions. Por pavarësisht se kanë dalë jashtë objektivave dhe ndeshja duket e lehtë në letër, është pikërisht Sansone ai i cili i shpall “luftë” bardhezinjve dhe i paralajmëron se duhet të djersijnë shumë për të marrë tre pikët. Në një intervistë për “DAZN” lojtari i Bolonjës shprehet se nuk dëshiron që Juventusi të shkojë në Champions League, prandaj do të japin gjithçka për ta ndalur.
“Unë deklaroj se nuk jam më një tifoz i Milanit. Që kur bëra debutimin tim si profesionist, nuk mbështes më një ekip. Kur isha fëmijë, kam simpatizuar ekipet e Milanit, kurrë ato të Torinos. Ne do ta japim gjithçka tonën, nuk dua që Juventusi të shkojë në Champions”, ka thënë Nikola Sansone./Halit Delibashi-Sport Ekspres/