Ditën e enjte doli lajmi se portieri shqiptar, Strakosha do t’i nënshtrohej një operacioni më gju. Fatmirësisht ky lajm ka rezultuar i rremë, pasi sipas doktorëve shkalla e dëmtimit bum është e rëndë dhe gardiani kuqezi mund të kthehet brenda një kohe të shkurtër në fushën e lojës. Ai do të ndjekë disa seanca fizioterapie në mënyrë që të mos ndiejë dhimbje në këmbë.
Sipas klubit, Thomas Strakosha do të qëndrojë pushim deri në fund të javës tjetër. Portieri i Kombëtares Shqiptare ka qenë i pafatë me dëmtimet dhe me Covid-19, të cilat e kanë mbajtur larg fushave. Gjithashtu konkurenca e Pepe Reina e ka berë mjaft të vështirë situatën, teksa pavarësisht se është në moshën 38 vjeçare duket se e ka bindur trajnerin Inzagi ta aktivizojë si titullar. /Elio Hajdari-Sport Ekspres/