Donjet Shkodra ka ndërruar ekipin e tij dhe nuk do të jetë më pjesë e Shakhtar Karagandy. Pas ish-sulmuesit të Kukësit, Rexhindaldo, tashmë ka qenë radha e një tjetër ish-lojtari të verilindorëve që të lërë skuadrën kazake. Mesfushori shqiptar ka vendosur të vijojë sërish karrierën e tij në Kazakistan.
Sipasa asaj që raportojnë mediat në vendin kazak, Shkodra i është bashkuar klubit Taldykorgan Zhetysu. Këta të fundit e mbyllën sezonin e shkuar në vendin e 5 të renditjes, ndërsa sezonin e ardhshëm synojnë të ngjisin akoma më tepër pozicione në renditje. Kujtojmë se futbollisti shqiptar ka luajtur për fanellën e disa klubeve në superior, ndërsa eksperienca e tij e fundit në Shqipëri ishte me Kukësin, prej të cilëve u largua në vitin 2019./Sport Ekspres/