Legjenda e Gjermanisë, Miroslav Klose fillon punën e parë si trajner profesionist dhe do të drejtojë SCR Altach që luan në Bundesligë në Austri. Pas eksperiencës si ndihmës trajner tek Bayern Munich, ish-legjenda e Gjermanisë do të nënshkruajë të dielën kontratën e parë si trajner profesionist.
Lajmin e ka bërë të ditur klubi nëpërmjet një postimi në faqen e tyre zyrtare. Prezantimi i Klose si trajneri i ri do të bëhet ditën e hënë në një konferencë për shtyp. “Mezi po pres të nis punën time të re këtu tek Altach. Jam i sigurtë që jam në vendin e duhur”- tha ish-sulmuesi. /Elio Hajdari-Sport Ekspres/