Në qershor të këtij viti, Lorenzo Insigne nuk do të jetë më lojtari i Napolit. 30 vjeçari ka pranuar një ofertë nga skuadra e Torontos, e cila luan në ligën amerikane “MLS”. Mësohet se italiani do të përfitojë një pagë, të cilën se ka arritur kurrë në karrierën e tij.
Shifra që Insigne do të përfitojë në MLS është rreth 11 milionë dollarë neto në sezon plus 4.5 milionë dollarë bonuse. Njoftimi pritet të bëhet zyrtar nga të dyja skuadrat në datën 8 janar. Lorenzo Insigne u bë pjesë e Napolit në vitin 2010, ndërsa largohet nga kjo skuadër pas 12 vitesh. /Elio Hajdari-Sport Ekspres/