Krisjtan Asllani është një nga ata talente që ka tërhequr vëmëndje të gjerë në Itali. Paraqitjet e tij në sezonin debutues në Serinë A me ekipin e Empolit ishin të një niveli të lartë, prandaj interesimi për të në këto ditë ka qenë i madh. Mesfushori shqiptar tashmë gjendet mes tre rrugëve. Dy të parat e çojnë në Milano, me Milanin dhe Interin që kanë përveshur mëngët për të siguruar kartonin e tij, ndërsa pista tjetër është Prmier Liga.
Gazetari Alfredo Pedula tregon se skuadra angleze që dëshiron Asllanin është Njukastëlli. Presidenti Korsi është i gatshëm ta shesë xhevahirin e tij, por tashmë 10 milionë euro nuk e kënaqin më. Gjithashtu Korsi do të provonte që pas shitjes ta mbante edhe për një tjetër sezon në Empoli. Vetë lojtari dëshiron të ketë minuta në këmbë në klubin e ri, por një ofertë e konsiderueshme nga Interi do të ndryshonte kartat./Halit Ddelibashi-Sport Ekspres/