Seriali “La Casa de Papel” ka marrë një jehonë të madhe këto kohë, aq sa nuk mund të mos ishte e pranishme edhe në derbin mes Tiranës dhe Partizanit.
“Guerrilsat” e Partizanit kanë ngritur një flamur që përmban maskën e famshme të “Dalisë” që është edhe ajo që përdoret në serialin e njohur spanjoll. Një simbol ky me të cilin tifozët e të kuqve duan t’i përcjellin mesazhin kundërshtarëve se e kanë gjithmonë një plan suksesi dhe se e masin çdo gjë në mënyrë milimetrike.
Plani duket se është vënë në zbatim ku dominimi i Partizanit vazhdon përsëri. Është vetëm pjesa e parë, por rezultati 0-2 i jep një shpresë të madhe të kuqve për të fituar edhe këtë derbi të radhës./Sport Ekspres/