Futbolli është pjesa që politika dëshiron gjithmonë të arrij, por di vetëm të dështojë me sukses. Një numër jashtëzakonisht i lartë ishte ai i mbrëmjes së djeshme me tifozët italianë që nuk e kanë humbur ndeshjen kundër Belgjikës. Sipas statistikave të fundit ishin më tepër se 15 milionë italianë që e kanë ndjekur këtë përballje të Europianit, ndërsa flasim për një shtet që me statistika të përgjithshme rregjistron 60 milion banorë.
Rekordi i mëparshëm u vendos në ndeshjen kundër Austrisë atje ku ishin 13 milion italianë që e ndoqën Kombëtaren e tyre. Një tjetër tregues ky që Italia ka gjithë popullin në krahun e saj me misionin e vetëm për të sjellë lotët e gëzimit në vendin që u prek më shumë nga COVID-19 në Europë. /Sport Ekspres/