Të gjithë janë të lumtur për shortin e kualifikueseve të Europianit në grupin e Shqipërisë. Nëse pyet tifozët shqiptarë, short më të lehtë se ky, nuk mund të kishte. Nëse pyet Poloninë, janë duke rezervuar hotelin për në Gjermani që në këtë moment. Po e njëjtë paraqitet situata edhe te Cekia, me këta të fundit që jo vetëm nuk e llogarisin kualifikimin, por kërkojnë vendin e parë.
Nënvlerësimi është i madh nga çekët për Shqipërinë dhe kjo mund të jetë një pikë që Kombëtarja jonë mund të përfitojë së tepërmi. Titulli kryesor i medias së njohur në Ceki, Blesk, ishte: “Lewandowski (pra Polonia) dhe ja ku jemi…Shqipëri, Ishujt Faroe dhe Moldavi”. Në një farë mënyre, media në Çeki i ka barazuar të tre Kombëtaret e mbetura në të njëjtin nivel. /Sport Ekspres/