Fiorentina nuk heq dorë nga mesfushori shqiptar Nedim Bajrami. Futbollisti nga Tetova ishte një prej më të mirëve sezonin që shkoi me Empolin në Seria B, ku shënoi 5 gola dhe dhuroi 8 asiste. Lojtari vlerësohet me shifrën 10 milionë euro nga skuadra e Empolit, e cila kërkon të përfitojë nga shitja e futbollistëve, për të rregulluar financat e brendshme.
Kontaktet mes drejtuesve të Fiorentinës dhe Empolit si dhe agjentin e lojtarit janë dukë vazhduar dhe nëse arrihet një marrëveshje, Bajrami do të veshë fanellën vjollcë vitin e ardhshëm. Vetë drejtori sportiv i Empolit, Akardi, ka qenë i pranishëm në zyrat e klubit nga Firencë për të biseduar nga afër lëvizjet e mundshme mes të dyja skuadrave./Elio Hajdari-Sport Ekspres/