Në Shqipëri është raportuar nga mediat se Valencia ka arritur marrëveshjen me Myrto Uzunin dhe se sulmuesi ka firmosur një parakontratë me këtë ekip. Valencia është duke vuajtur jo pak në këtë sezon dhe nuk do të ishte surprizuese nëse do të binte nga kategoria.
Por në Spanjë raportojnë tjetër informacion sa i përket të ardhmes së Uzunit. “Todofichajes” shkruan se Betis është interesuar për sulmuesin shqiptar. Mbetet të shihet sesi do të vazhdojë kjo histori, por nëse gjithçka do të mbyllej me sukses, Myrto Uzuni mund të luante në Champions League pasi Betis po lufton për këtë vend në La Liga. /Sport Ekspres/