Zyrtari i Partizanit, Dajlani, është shprehur se klubi i të kuqëve është i vetmi në Shqipëri që përdor trendin më të fundit të stërvitjes, atë online. Bëhet fjalë për mënyrën sesi po përgatiten edhe klubet e mëdha të Europës mes të cilave edhe Bajerni i Mynihut me Realin e Madridit.
Lojtarët futen të gjithë në një lidhje online për të komunikuar dhe drejtuesit e skuadrës janë në gjendje të shohin njëkohësisht të gjithë futbollistët e tyre për mënyrën sesi po stërviten dhe kryejnë përgatitjet. Dajlani do të shprehej për “Supersport” se ftonte edhe klubet e tjera që të zgjidhnin në të njëjtën mënyrë, pasi Partizani ishte i pari në Shqipëri. Në fakt për herë të parë është përdorur dhe e kemi parë më herët nga mbledhjet e kambinetit qeveritar te Edi Rama, por sigurisht që ky është një ekip politik dhe jo futbolli. /Sport Ekspres/