Sot në mbrëmje u luajt një pjesë loje në sfidën e kampionatit portugez mes Estorilit e Portos. Kryesuesit e kampionatit kërkonin tre pikët për të rimarrë kreun e humbur dje nga fitorja e Sportingut, por e mbyllën pjesën e parë në disavantazh 1-0.
Në pushim ndodhi diçka e çuditshme: tifozët e Portos vërshuan në fushë. Gjithçka erdhi për shkak se tribuna ku ndodheshin filloi të shfaqte të krisura të mëdha në mure dhe të gjithë i kapi paniku nga një shembje e mundshme.
Fillimisht forcat e sigurisë kërkuan që të gjithë tifozët të shkonin në fushë, ndërsa më pas ndeshja u anulua, sepse nuk kishte tribuna të tjera bosh për të postuar tifozët, duke qenë se tribuna në rrezik nuk mund të rihapej.
