Mundi “Arenën Kombëtare” për Superkupën, stadiumit të Beshiktashit i ikin dritat!

0

Pak ditë më parë, “Arena Kombëtare” do të humbiste garën për të pritur finalen e Superkupës së Europës 2019, duke e fituar stadiumi i Stambollit dhe Beshiktashit, supermoderni Vodafone Park, i inauguruar në prill 2016 dhe i pozicionuar në qendër të Stambollit, pranë pallatit të famshëm otoman Dolmabahçe. Klubi turk shpenzoi 100 milionë dollarë për ndërtimin, që zgjati 3 vite.

Stadiumi i Beshiktashit ka një kapacitet prej 43,000 spektatorësh dhe ka lozha superluksoze, por edhe ekrane multimediale që transmetojnë në cilësi shumë të lartë pamje nga ndeshja. Përveçse është një stadium i mbuluar tërësisht me Wi-Fi të shpejtësisë shumë të lartë, Vodafone Arena përdor energjinë diellore për energjinë që furnizon stadiumin dhe ujë shiu për vaditjen e fushës.

Por, sot në Champions League, një incident ka ndodhur. Gjatë ndeshjes mes Beshiktashit dhe Lajpcigut gjerman, kanë ikur dritat… Po, pikërisht te impianti supermodern dhe 100 mln eurosh…

You might also like
Leave A Reply

Your email address will not be published.