Mançester Siti ka vazhduar serinë e rezultateve negative. “Qytetarët” janë mposhtur nga Juventusi me shifrat 2-0, duke vënë në pikëpyetje edhe kualifikimin në fazën pasardhëse të Ligës së Kampionëve. Por Guardiola është shprehur në konferencë për shtyp se ekipi i tij është më i miri dhe se rezultatet nuk do ta bindin për të kundërtën.
“Dhoma e zhveshjes është e qendrueshme. Kur fitojmë, jemi të lumtur. Kur humbim, nuk jemi (të lumtur). Kjo është normale. Duhet të ngrihemi. Çfarë mund të bëj? Të ndjej keqardhje për veten tonë? Ne do të ecim përpara. Jemi më të mirët. E dua ekipin tim, mënyrën se si ne luajmë. Rezultatet nuk do të më bindin mua për të kundërtën”, ka deklaruar Pep Guardiola./Sport Ekspres/