Amir Rrahmani është padyshim një shembull për t’u përgëzuar për vetë mënyrën sesi i ka ngritur shkallët e karrierës. Dikur ishte edhe me fanellën e Partizanit, ndërsa sot luan te Napoli dhe krahë Kulibali. Pavarësisht pikës ku ka mbërritur, mbrojtësi nuk e harron të shkuarën e tij.
Gjatë këtyre ditëve të pushimit, Rrahmanit ndodhet në Kosovë dhe është stërvitur individualisht te KF Ramiz Sadiku. Kjo ishte fusha e parë e këtij lojtari, ndërsa tani rikthehet jo vetëm për të qenë në formë, por njëkohësisht për t’i dhënë motivim edhe talenteve të reja të kësaj shkolle të futbollit. /Sport Ekspres/