Tashmë duhet t’i japim mbyllje historisë së stërzgjatur Ibrahimoviç. Sa shumë skuadra që u futën në lojë dhe janë akoma në garë për të marrë këtë sulmues, por ende si favorite shikohet Milani. Pa harruar Fiorentinën, Napolin dhe Bolonjën që mbeten aty në rradhë të parë për futbollistin suedez.
Kemi hyrë në javën e Ibrahimoviç dhe sipas mediave italiane gjithçka do të mbyllet në këto ditë. Afati sipas tyre shkon deri të dielën ose të hënën e ardhshme, që vendimi të marrë edhe trajtën zyrtare. Pas përfundimit të kontratës te Los Angelos Galaxy dhe pavarësisht moshës 38-vjeçare, suedezi i tërheq të gjithë pas vetes dhe këtë efekt vazhdon ta mbajë si pikën më të fortë. /Sport Ekspres/