Në fillim të muajit qershor Sport Ekspres raportoi se Sabien Lilaj dhe Gledi Mici ishin duke kërkuar ekip të ri dhe një ndër klubet e interesuar ishte edhe Shkëndija.
Tani Lilaj ka firmosur në Azerbajxhan, ndërkohë që edhe Mici është i lirë në treg, sepse kontrata me Skënderbeun i ka përfunduar
“Nuk jam më futbollist i Skënderbeut. Nuk kam kontratë me ta. Pres oferta nga jashtë”, deklaroi ditët e fundit në Top Channel vetë Mici.
Mbrojtës i majtë, 27 vjeç, eksperiencë pa fund në Superiore, tashmë edhe kampion Shqipërie, trofeu që i mungonte. Para pak muajsh vetë Mici deklaronte se nuk largohej nga Skënderbeu pa fituar titullin, objektiv që e ka përmbushur, ndërsa tashmë është gati për një hap përpara, duke u transferuar jashtë vendit.
Tani gati të futet në lojë Shkëndija, që ka ambicie të mëdha dhe i duhet një mbrojtës i majtë, pas largimit të Cuculit. Gjithsesi, Mici ka pasur sinjale edhe nga kampionati turk në të shkuarën.