Shpeshherë etika shkelet në media, me intervista të ndryshme të cilat shpiken dhe nuk kanë asnjë vërtetësi të vetme. Në Shqipëri kemi dëgjuar mjaftueshëm raste, nga më të çuditshmet, por edhe këtu e marrin diku shembullin.
Fundja, çfarë mund të pritet më shumë kur këtë gjë e bën edhe një media prestigjoze? “France Football” ka publikuar një artikull të bujshëm ku Grizman supozohet të fliste për Mesin duke thënë: “Me mua nuk ka shanse. Unë nuk largohem nga Barcelona dhe janë xheloz për mua se fitova Botërorin”, duke iu referuar yllit argjentinas.
Nga ana tjetër, vetë Grizman e ka mohuar se ka dhënë një intervistë të tillë, duke u quajtur të rreme. Futbollisti francez është shprehur se nuk ka folur me median e njohur, prandaj këto deklarata janë tërësisht shpikje dhe nuk ekzistojnë. /Sport Ekspres/