“The Reds” e Jurgen Klopit shëtisin në Oporto dhe hipotekojnë kualifikimin falë fitores 5-0. Trigolësh për Sadio Mane
Pas Mançester Sitit duket se Liverpuli do të jetë skuadra e radhës nga Premier Liga që siguron një vend në çerekfinalet e Ligës së Kampioneve. “The Reds” të Jurgen Klopit kanë hipotekuar kualifikimin që në Portugali falë fitores 5-0 përballë Portos, duke bërë edhe më mirë se yjet e Guardiolës.
Portugezët kanë provuar të vënë në vështirësi Liverpulin në 15 minutat e para dhe më pas janë dorëzuar pa kushte përballë klasit të treshes së sulmit Mane-Firmino-Salah, të gjithë në tabelën e golashënuesve.
Mane dy herë, nga një gol në secilën pjesë, Salah dhe Firmino kanë vulosur fitoren e thjeshtë të Liverpulit dhe me shumë gjasa e kanë bërë të pavlefshme dhe takimin e kthimit në “Anfield”.