Roberto Martinez, trajneri i Belgjikës, ka folur pas eliminimit, si pasojë e humbjes ndaj Francës. Për FIFA-n, ai ka thënë: “Mendoj se diferencën e vetme sonte e bëri një top i vdekur, pra në goditje standarde… Ndeshja ishte shumë e fortë, me zona të ngushta dhe e dija se do të vendosej vetëm nga një episod”.
“Duhet ta kuptojmë që një ekip fiton dhe një humbet. Djemtë dhanë më të mirën, nuk mund të kërkoj asgjë më shumë se sa kaq”.
“Tani duhet të kalojmë këtë zhgënjim, edhe pse nuk do të jetë aspak e lehtë. Kemi edhe një ndeshje, për vend të tretë dhe të katërt, ndaj duhet të respektojmë në maksimum këtë impenjim. Donim të shkonim në finale, por nuk ia dolëm”