Sezoni i ri nis mbrëmjen e nesërme për PSG-në. Kampionët e Francës do të ndeshjen me Aston Vilën në finalen e Superkupës së Europës. Luis Enrike ka folur përpara mediave në konferencë për shtyp, ku ka shpalosur edhe ambiciet për sezonin e ardhshëm. Trajneri katalanas ka deklaruar se synon të fitojë për herë tretë trofeun e Ligës së Kampionëve.
“Një tripletë në Ligën e Kampionëve? Sigurisht! Ne i kemi vendosur vetes objektiva shumë ambiciozë që nga fillimi dhe do të vazhdojmë kështu. Tani për tani, është një situatë e ndryshme dhe unike, sepse mendoj se të gjithë besojnë se ne ende mund të fitojmë.
Por kjo është teoria. Ne duhet të vërtetojmë nivelin tonë. Ne duhet të vërtetojmë në fushë se kemi atë që duhet. Sigurisht, ne synojmë të fitojmë përsëri, por nëse shikojmë historinë, nuk është e lehtë të kesh një ekip që fiton gjithmonë. Ne synojmë të jemi atje, përkrah ekipeve si ato që kanë arritur një tripletë”, ka deklaruar Luis Enrike./Sport Ekspres/