Arijan Ademi largohet pas 13 viteve nga Dinamo e Zagrebit. Mesfushori shqiptar do të vazhdojë karrierën e tij në Kinë, ku do të veshë fanellën e Beijing Guoan-it. 31-vjeçari është përcjellë si një legjendë nga klubi i mirënjohur kroat, te të cilët ka pasur edhe rolin e kapitenit të ekipit.
Dinamo e Zagrebit ka vendosur të heqë nga përdorimi fanellën me numrin 5 deri në momentin që Ademi do të vendosë të tërhiqet nga futbolli i luajtur. Pesa ishte numri që mesfushori shqiptar mbante mbi shpinë dhe gjigantët kroatë kanë zgjedhur që në shenjë respekti për të, askush tjetër të mos ketë mundësinë të mbajë këtë numër deri në largimin e Ademit nga fushat e blerta./Halit Delibashi-Sport Ekspres/