Situata te Partizani nuk është aspak e mirë sa i përket ambientit të grupit. Menjëherë pas mbylljes së takimit ndaj Kukësit, ka pasur edhe një përplasje fizike mes Lerdës dhe Mehmetit. E gjithë arsyeja ishte se trajneri italian nuk pranonte përplasjen e ideve.
Kjo pasi Mehmeti kishte sygjeruar që të futën Asani në fushën e lojës, duke i thënë Lerdës se nuk po guxonte me zgjedhjet e bëra dhe se po kënaqej me barazimin. “O unë, o Mehmeti”, ishte ultimatumi i trajnerit të Partizanit, menjëherë pas u mbyll konflikti.
Drejtuesit e klubit kanë gjetur një të mesme të artë për të zgjidhur këtë çështje delikate. Mehmeti është hequr nga ekipi A, por i është ofruar vendi i punës si trajner në ekipin B sipas asaj që raporton “Ora News”, me ofertën që është pranuar menjëherë. /Sport Ekspres/