Kumbulla është një nga lojtarët më të talentuar të Kombëtares. Ai debutoi në ndeshjen e fundit përballë Moldavisë. Paraqitjet e tij në Seria A kanë qenë tepër të mira,theksojmë dhe atë përballë Juventusit, ku nuk i la hapësira as lojtarëve më në formë për momentin, si Kristiano Ronaldo apo edhe shumë lojtarë të tjerë.
Megjithatë, duket se Kombëtarja shqiptare rrezikon të jetë pa mbrojtësin përballë ndeshjeve me Andorrën dhe Francën ku kjo e fundit do të luhet në “Arenën kombëtare’’. Ai u dëmtua në minutën e 16-të duke pësuar një tërheqje muskulare, që mjaftoi për ta larguar nga fusha e lojës. 19 vjeçari është në dyshim në ndeshjen e radhës kundër Interit. /Sport Ekspres/