Një lajm i mirë vjen nga Franca, sa i përket lojtarit të parë në “Ligue 1” që u infektua me Koronavirus. Bëhet fjalë për mesfushorin e Montepellier, Junior Samba, që pati një përkeqësim të madh të gjendjes.
Madje lojtari 23-vjeçar ishte edhe në gjendje kome, por së fundmi raportohet se është zgjuar dhe situata e tij paraqitet në normalitet. Fatmirësisht asnjë prej futbollistëve të prekur nga Europa nuk ka ndërruar jetë deri tani nga COVID-19. Ndërkohë Franca është një nga shtetet më të prekura nga kjo pandemi, me rreth 123.000 raste në total. /Sport Ekspres/