Në Shqipëri ka gjithmonë kritika për lojtarët, shpeshherë edhe të tepruara. Mes tyre nuk mund të shpëtonte edhe Keidi Bare. Kur Reja i besoi vendin e titullarit te Kombëtarja, personazhe të ndryshme sportiv u shprehën se nuk e meritonte pasi nuk ka CV të pasur.
Bare luan dhe spikat mes shumë prej lojtarëve tanë, ndërsa dhe te Malaga ka vendin e titullarit të paprekshëm. Në orët e fundit mediat e njohura spanjolle shkruajnë se ekipe nga La Liga po kërkojnë mesfushorin shqiptar. Malaga nuk mund të refuzojë oferta të mira, pasi është në një krizë ekonomike. Megjithëse ende nuk ka emra konkret të skuadrave, një transferim i bujshëm pritet për Baren. Ndoshta vetëm kështu edhe kritikët mund të heshtin. /Sport Ekspres/