Hekuran Kryeziu ka ndërruar skuadër, edhe pse do të vijojë karrierën në Zvicër. Futbollisti i përfaqësueses së Kosovës, në fakt, do të vijojë me Zyrihun, duke nënshkruar kontratën deri më 30 qershor të vitit 2021. Që nga viti 2004, futbollisti kosovar ishte pjesë e Lucernit, ku kishte debutuar në sezonin 2010/11 në Superligën e Zvicrës. Mesfushori ishte larguar sivjet nga Lucerni pasi i kishte skaduar kontrata.