Federata e Futbollit të Kosovës ka arritur të bindë Betim Fazlijin që të luajë për përfaqësuesen dardane. Trajneri i Kosovës, Bernard Challandes ka publikuar sot listën e futbollistëve që do të luajnë në tre ndeshjet e nëntorit, ndërsa emri i Fazlijit ishte si surprizë për median dhe publikun e gjerë.
Ky lajm i ka acaruar shumë mediat zvicerane, të cilat fajësojnë federatën se lejoji një lojtar mjaft të talentuar që të përfundonte në duart e Kosovës. Madje gazeta më e madhe e Zvicrës, “Blick”, publikoi një artikull me mbi shkrimin :”Kosova na vodhi një lojtar mjaft të talentuar”.
“Lufta” Zvicër-Shqipëri vazhdon të mbetet prezente, teksa lojtarët që janë të rritur në Zvicër e kanë mjaft të vështirë të vendosin për të ardhmen e tyre. Këtu përmendim dhe futbollistë si Xhaka, Shaqiri, Behrami që preferuan të luanin me kombëtaren helvete përpara përfaqësues kuqezi./Elio Hajdari-Sport Ekspres/