Italia bëhet një nga shtetet më të prekura nga virusi “Covid 19” i njohur ndryshe si Koronavirus. Përhapja në shtetin fqinjë sa vjen e bëhet më e madhe teksa deri tani(24 shkurt) raportrohen edhe 6 viktima nga ky virus. Paniku ka përfshirë edhe Spanjën. Skuadra e Valencias udhëtoi në Milano më 19 shkurt për të luajtur ndaj Atalantës në “Uefa Champions League”. Si pjesë e klubit spanjoll udhëtuan dhe afro 2300 tifozë në mbështetje të tyre.
Nisur nga raportimet e fundit që vijnë nga Italia, te Valencia kanë nisur shqetësimit e para sesi mund të jetë gjendja shëndetësore e tifozëve. Frika e autoriteteve spanjolle të shëndetësisë është se nëse ndonjë nga tifozët mund të jetë prekur nga virusi i rrezikshëm. Kjo ka rritur edhe monitorimin e ministrisë së shëndetësisë në Spanjë për të gjetur tifozët të cilët pak ditë më parë ishin në Itali. Me rrezik shihet edhe transfera e 10 marsit. Valencia druhet se virusi mund të përhapet edhe më tepër deri në atë kohë duke i shtyrë të mendojnë për anullimin e ndeshjes, e aq më pak të pranimit të tifozëve italian në stadium../Sport Ekspres/