Aventura te Barcelona nuk i ka shkuar aspak siç e kishte imagjinuar. Grizman nuk po përshtatet dot me blaugranat, me të cilët nuk po shfaq potencialin e tij. Trajneri i tij te Kombëtarja ka thënë me bindje të plotë në konferencë për shtyp se sulmuesi momentalisht nuk është i lumtur te Barcelona. Deshamp shprehet se nuk e kupton faktin përse Grizman luan jashtë pozicionit të tij natyral, duke u aktivizuar në krahun e djathtë e jo në një pozicion më qendror.
“Jam i bindur se Grizman momentalisht nuk është i lumtur me situatën e tij te Barcelona. Nëse do të flisja për të mendoj se Koeman nuk do të gëzohej ta dëgjonte. Nuk flas për atë që ndodh në klubet e tjera. Grizman është duke luajtur në krahun e djathtë, por ne nuk e kuptojmë faktin se ai nuk po luan në një pozicion më qendror”, ka thënë Didier Deshamp./Halit Delibashi-Sport Ekspres/