Miralem Pjaniç ishte i padëshiruar te Barcelona, ku nuk gjeti vend asnjëherë në planet e Ronald Koeman. Mesfushori boshnjak nuk pati rrugë tjetër përveç largimit dhe zgjodhi Beshiktashin për të vazhduar karrierën e tij. Por në një intervistë me “Marca“, lojtari 31-vjeçar ka shpjeguar edhe raportin e tij të ftohtë me teknikun holandez, të cilin e akuzon për mosrespektim.
“Koeman nuk më respektoi. Ai kurrë nuk po fliste me mua! Unë jam një lojtar që mund të pranoj gjithçka, por gjithmonë do të doja që të më shpjegohej… dhe jo sikur të isha 15 vjeç. Unë pranova të ul rrogën time dhe të bashkohem me Beshiktashin sepse më pëlqen të luaj futboll”, ka thënë Miralem Pjaniç./Halit Delibashi-Sport Ekspres/