Vidzev Lodzi është shqiptarizuar këtë verë. Julian Shehut do t’i bashkohet në skuadër edhe Lindon Selahi me Dion Gallapenin. Ky i fundit është zyrtarizuar ditën e sotme nga vetë klubi polak përmes faqes së vetë zyrtare.
Futbollisti 20-vjeçar ka nënshkruar deri në vitin 2029 me Vidzev Lodzin. Nga ky tranferim Prishtina ka përfituar 300 mijë euro, si dhe zotëron 10% të kartonit në rast të një shitjeje të mëtejshme.
Kujtojmë se Gallapeni u kthye në një temë diskutimi në muajin mars, teksa u përfol se së bashku me Brrutin do t’i bashkohej Kombëtares kuqezi për të përforcuar kështu krahun e majtë të mbrojtjes. Por pas debatit sportiv të krijuar në Kosovë, zgjodhi të përfaqësonte dardanët./Sport Ekspres/