Në futboll duhen ruajtur disa gjëra, mbi re gjitha aspekti njerëzor, që gjithnjë e më shumë po mbytet nga paraja, sepse sporti është një biznes gjigant dhe askush nuk e ka mendjen te ndjenjat. Përjashtime ka, si në rastin e Arsen Venger, apo Fernando Torres e Bufon, por janë raste të izoluara.
Uest Hemi në Angli është bërë protagonist i një historie të shëmtuar, që ia ka përkeqësuar ndjeshëm imazhin të tifozët.
Ky sezon ishte i fundit me Çekanët për mbrojtësin uellsian Xhejms Kolins, i cili është 35 vjeç dhe natyrisht që ishte i përgatitur për largimin. Klubi e la pezull deri para pak ditësh, ndërsa largimin ia bëri të ditur më një e-mail.
Ka luajtur për 11 vite më këtë klub, mbi 200 ndeshje, dhe largohet vetëm me një e-mail!
Zhgënjimi i Kolins ishte i paevitueshëm, drejtuesit duhej të tregoheshin burra dhe t’ia thoshin në sy, sinqeriteti vlerësohet gjithnjë, por jo, vendosën ta hiqnin qafe sikur të ishte njeriu me pa vlerë në botë. Klasifikimi nuk blihet, sado miliona të kenë në Angli.